News Updates

  • Home
  • Articles
  • తొలివరమిచ్చిన పోలవరం|| Polavaram
  • 11-06-2021 15:50:00

తొలివరమిచ్చిన పోలవరం|| Polavaram

  • ప్రాజెక్ట్ ఇంకా పూర్తికాకముందే పోలవరం తొలి ఫలితం వచ్చేసింది.
  •  గోదావరి డెల్టాకు పోలవరం మీదుగా నీటి విడుదలకు నేడు అంకురార్పణ జరిగింది.
  •  గోదావరి సహజ ప్రవాహాన్ని అప్రోచ్ ఛానల్ ద్వారా స్పిల్ వేకు మళ్లిస్తున్న సందర్భంగా శాస్త్రోక్తంగా పూజా కార్యక్రమాన్ని నిర్వహించారు.
  •  స్పిల్ వే మీదుగా గోదావరి డెల్టాకు నీరు విడుదల చేస్తున్నారు.
  • తొలుత గోదావరి నది నీటిని అప్రోచ్ కెనాల్ కు విడుదల చేస్తారు.
  •  స్పిల్ వే పైనుంచి, రివర్ స్లూయిజ్ గేట్ల ద్వారా ధవళేశ్వరం కాటన్ బ్యారేజ్ కు ఈ ప్రవాహం చేరుతుంది. 
  • కాటన్ బ్యారేజ్ నుంచి సెంట్రల్ డెల్టాతోపాటు తూర్పు, పశ్చిమ కాల్వల ద్వారా గోదావరి డెల్టాను సశ్యశ్యామలం చేస్తుంది.
  •  సహజంగా గోదావరిలో ప్రవహించే నీరు బ్యారేజ్ నుంచి డెల్టాకు చేరుతుంది. 
  • పోలవరం పూర్తయిన తర్వాత స్పిల్ వే – రివర్ స్లూయిజ్ – పవర్ హౌస్ డిశ్చార్జ్ ల ద్వారా బ్యారేజ్ నుంచి కాల్వలకు చేరుతుంది.
  •  ప్రస్తుతానికి పోలవరం నిర్మాణంలోనే ఉన్నా.. ప్రాజెక్ట్ పూర్తయితే ఎలాంటి ఫలితం అందుతుందో అలాగే ఇప్పుడు కాల్వల ద్వారా నీరు గోదావరి డెల్టాకు చేరుతుండటంతో.. తొలి ఫలితం అందినట్టయింది.
  • పోలవరం నిర్మాణంలో స్పిల్ వేతో పాటు మూడు గ్యాప్ లు (ఈసీఆర్ఎఫ్ 1,2,3) తో పాటు జల విద్యుత్ కేంద్రం, జల రవాణా పనులు కీలకమైనవి. 
  • ఇంజనీరింగ్ నిబంధనలకు అనుగుణంగా (వర్క్ మ్యానువల్, ప్రోటోకాల్) స్పిల్ వే పనిని మేఘా ఇంజనీరింగ్ సంస్థ ఛాలెంజ్ గా తీసుకొని పూర్తి చేసింది.
  •  గోదావరి నీటిని అప్రోచ్ ఛానెల్ నుంచి దిగువకు విడుదల చేయడం ప్రారంభించారు.
  •  ఉభయ గోదావరి జిల్లాలతో పాటు పోలవరం దిగువన ఉన్న తాడిపూడి, పట్టిసీమ, పుష్కరం ఎత్తిపోతల పథకాల ద్వారా తాగు, సాగు నీరు ఇక నుంచి ఈ అప్రోచ్ ఛానెల్ ద్వారానే విడుదలవుతుంది.
  •  ఇక నుంచి ఏడాది పొడవునా నీటిని అప్రోచ్ ఛానెల్ ద్వారా మళ్లించి, పైలెట్ ఛానెల్ ద్వారా మళ్లీ గోదావరిలోకి కలుపుతారు.
  • గోదావరి నది నీటిని 6.6 కిలోమీటర్ల మేరకు మళ్లించడమనేది అసాధారణ విషయం. 
  • గోదావరి సహజ ప్రవాహాన్ని పోలవరం వద్ద కుడివైపుకి మళ్లిస్తారు. 
  • అప్రోచ్ ఛానెల్ నుంచి పైలెట్ ఛానెల్ వరకు ఇలా మళ్లిస్తారు. 
  • ప్రాజెక్ట్ పూర్తయిన తర్వాత కూడా ఈ ప్రక్రియ అలాగే కొనసాగుతుంది. 
  • దీనికోసం నది మధ్యలో మూడు గ్యాప్ లు (1,2,3) నిర్మించాలి. 
  • వీటిలో గ్యాప్-2 గా పిలిచే ఈసీఆర్ఎఫ్ (ఎర్త్ కమ్ ర్యాక్ ఫిల్ డ్యాం) అతిపెద్దది.
  •  50లక్షల క్యూసెక్కుల నీటి ప్రవాహ ఒత్తిడిని తట్టుకునేలా దీనిని నిర్మిస్తారు. 
  • ఈ పని ప్రారంభం కావాలంటే నీటి ప్రవాహం ఉండకూడదు. 
  • దీనికోసం అప్పర్ కాఫర్ డ్యాం నిర్మించి ఈ ఏడాది వచ్చే వరదల్లో కూడా ఈసీఆర్ఎఫ్ నిర్మాణ పనులు నిరాటంకంగా కొనసాగించేలా ఏర్పాట్లు చేస్తున్నారు.
  • అప్రోచ్ ఛానెల్, స్పిల్ ఛానెల్, పైలెట్ ఛానెల్ మొత్తం పొడవు 6.6 కిలోమీటర్లు. ప్రధాన నదికి కుడివైపున సమాంతరంగా వీటిని నిర్మించారు. 
  • అప్రోచ్ ఛానెల్ స్పిల్ వే వైపు 2.4 కిలోమీటర్ల వరకు నిర్మించారు. 
  • స్పిల్ వే నుంచి స్పిల్ ఛానెల్ 3.1 కిలోమీటర్లు ఉంటుంది.
  •  స్పిల్ ఛానెల్ చివరి నుంచి మళ్లీ గోదావరి తన సహజసిద్ధ ప్రవాహంలోకి కలిసే విధంగా 1.1 కిలోమీటర్ల పొడవున పైలెట్ ఛానెల్ నిర్మించారు.
  •  2480 మీటర్ల పొడవు, 42.5 మీటర్ల ఎత్తున ఎగువ కాఫర్ డ్యాం ను మూడు రీచ్ లుగా నిర్మించారు. 
  • ఇటీవలే అప్పర్ కాఫర్ డ్యాం గ్యాప్ లను ప్రభుత్వ నిర్ణయం ప్రకారం పూడ్చివేశారు.
  •  దీని ఫలితంగా 30లక్షల క్యూసెక్కుల వరకు వరద వచ్చినా నదిలో నిర్మాణ పనులకు ఎటువంటి ఆటంకం లేకుండా ప్రవాహం అప్రోచ్ ఛానెల్ మీదుగా వెళ్లిపోతుంది.
  • గోదావరి నది ప్రవాహాన్ని మళ్లించే పనులను మేఘా ఇంజనీరింగ్ సంస్థ రికార్డ్ సమయంలో పూర్తి చేసింది.
  •  గోదావరి ప్రవాహం కుడివైపున స్పిల్ వేకు చేరాలంటే కనీస మట్టానికి నదిని తవ్వాలి. 
  • అందుకోసం అప్రోచ్ ఛానెల్ ను 2.4 కిలోమీటర్ల మేర తవ్వేశారు. 
  • దీంతో పెద్ద నది రూపుదిద్దుకుంది.
  •  ఇందుకోసం కోటి 54 లక్షల 88వేల ఘనపు మీటర్ల మేర మట్టి తవ్వకం పనులు చేయాల్సి ఉండగా ఇప్పటి వరకు కోటి 4లక్షల 88వేల ఘనపు మీటర్ల మేర పని పూర్తయింది. 
  • ప్రపంచంలో ఇంతవరకు అతిపెద్ద వరద డిశ్చార్జ్ స్పిల్ వే గా చైనాలోని త్రిగోర్జెస్ జలాశయంకు పేరుంది.
  •  దీని కన్నా పోలవరం సామర్థ్యం మూడు లక్షల క్యూసెక్కులు అధికం కావడం విశేషం. 
  • దీనిని తట్టుకునేలా ప్రపంచంలోనే అతిపెద్ద గేట్లను హైడ్రాలిక్ పద్ధతిలో నిర్వహించేందుకు ఏర్పాట్లు పూర్తయ్యాయి.
  • పోలవరం ప్రాజెక్ట్ లో భాగంగా ఇప్పటివరకు 76.29శాతం హెడ్ వర్క్స్ పనులు పూర్తయ్యాయి. 
  • పోలవరం వరద నీటిని అప్రోచ్ ఛానెల్ మీదుగా మళ్లిస్తున్నందున పోలవరంతోపాటు పలు గ్రామాలు ముంపు బారినపడే ప్రమాదం ఉంది. 
  • నీటి ప్రవాహం 12లక్షల క్యూసెక్కులకు చేరిన స్పిల్ వే లో ప్రభావం కనిపిస్తుంది. 
  • కనీస ప్రవాహం ఉన్నప్పుడు తొమ్మిది ఆవాసాల్లోకి నీరు ప్రవహిస్తుంది. 
  • నీటి ప్రవాహం 28 మీటర్లు దాటిన తరువాత ముంపుకి గురయ్యే ఆవాసాల సంఖ్య పెరుగుతుంది.
  •  పూర్తి స్థాయిలో స్పిల్ వే వరకు (45.72 మీటర్లు) నీరు చేరేతే 235 ఆవాసాలు ముంపు భారీన పడతాయి. 
  • దీనికి తగ్గట్టుగానే ప్రభుత్వం ప్రణాళికను సిద్ధం చేసి ముంపు గ్రామాల్లోని ప్రజలను అక్కడి నుంచి తరలిస్తుంది. 
  • ఎట్టకేలకు పోలవరం ప్రాజెక్టు నుంచి నీటి విడుదల ప్రక్రియ మొదలు కావడంతో రైతులు సంతోషం వ్యక్తం చేస్తున్నారు.

Gallery